Papsopwinterwaternat!

Ek was nog altyd eerder ‘n winter as ‘n somer mens.  Daar is niks lekkerder as om lekker warm in die bed te lê, hot chocolate te sip en na die reën te luister nie.  En ja, dit is moeilik om op te staan as dit so koud is, maar ek vat dit eerder bo sukkel aan die slaap raak in die hitte.

Die Kaapse winter het hierdie jaar skielik, en met mening geslaan.  Ons het reeds sneeu gehad, dit het al in Mei begin reën, en dis vandag geweldig koud.

Ons kantoor is nou ook nie baie slim gebou nie.  Of dalk was dit lank terug, toe dit oorspronklik as ‘n huis gebou is slim beplan.  Met die urban jungle rondom ons is dit egter ‘n totale mislukking, want ons dood van die hitte in die somer, en van die koue in die winter.

Dan raak ons kreatief met ons uitrustings:

Ons het ook almal vir ons “thermal mugs” gekry, wat ons gou agtergekom het hou die drankie langer warm, maar maak nou nie meer die hande so lekker warm nie:

En ja, hier is iets soos drie heaters in die kantoor, maar as NGO word daar vir ons vertel ons moet elke sent spaar, en staan hulle meestal in ongebruik:

Maar met die reën is daar ewe skielik ook nou groenigheid buite my kantoor!  En ja, ek weet dit is onkruid, maar dis so mooi groen! En ‘n paar weke gelede was daar net vaal sand.

Mense kla maklik.  Dieselfde mense wat in die somer oor die hitte kla, kla gewoonlik in die winter oor die koue.  En elke jaar dink ek dat ek hulle gaan uitvang.  Maar helaas.  Al wat ek weet is dat ek hierdie winter geniet!  Ek staar vir ure na water wat val, is al by my 3de blik hot chocolate en bring die “layer” effek terug hierdie jaar.

Hy kan maar ‘n rukkie langer met ons bly!

 

Leave a Comment

Your email address will not be published.