Om te kan stem

06:00 My selfoon raak die kluts kwyt.  Nie net het ek vergeet om die alarm af te sit nie, maar my foon switch ook outomaties af tussen 11pm en 6am, EN ek het stem-tones! Bo die geskree van die alarm kom daar toe ook ‘n “you’ve got mail”, “facebook”, “facebook”, “twitter”, “you’ve got mail” deur.  Ek besluit om maar op te staan, al is dit bitter koud.

06:10 Aangetrek, en ek sit en kyk Chopped op die Food Network, en drink lekker warm koffie.  Dis so donker buite, ek kan nie die voting station sien nie.  In fact, dis so mistig buite, ek kan nie my eie braai sien nie!

06:30 Ek sit en wonder of my kanse om vinnig te stem aangehelp sal word as ek my knie stut aansit.  Ek besluit om hom tog maar aan te sit.  Die bietjie hitte wat hy gee mag dalk meer beteken as om vinnig in die queue te beweeg.

06:45 Ek stap na die kerk toe, en elke geluidjie klink soos ‘n geweerskoot!  Die hele kompleks is nog donker, almal slaap.  In die pad voor my sien ek twee mense stap, oppad na die voting station by die kerk.  Hulle lyk soos spoke in die mis.

06:49 Ek sien net twee karre, die ry sal dus baie kort wees

06:50 Dammit, om die draai is 50 karre!

06:51 Dis toe nie so erg nie.  Die karre is blykbaar òf die IEC mense s’n, òf net daar vir die effek.  Ek land so 8m van voor af in die ry.

06:52 Ek staan en gesels en maak grappe met mense wat ek nog nooit in my lewe gesien het nie!  Alles is blou.  Selfs ons hande.  Voor in ‘n ry staan ‘n jong outjie.  Nuus versprei vinnig ry af dat dit sy eerste keer is.  Hy lyk kinderlik opgewonde terwyl hy vir die mense binne loer.

07:00 Stiptelik maak die Door Controller die deur oop.  Trots dat sy haar plig so goed kon doen.

07:04 Ek is alreeds 3m nader aan die deur, en dis op hierdie punt wat die ry split in A-L en M-Z.  En ewe skielik is ek voor in die ry!  Net een oom voor my se van val in hierdie groepie!  Die verkiesings-virgin kom aan die ander kant uit, en gee ‘n uitgelate gil en gooi sy arms in die lug.  Die hele ry bars uit van die lag.

07:07 Ek is binne, en teen ‘n geweldige spoed beweeg ek.  Hulle bekyk my op en af, en ek moet eers verduidelik dat ek nognie op 16 bril gedra het nie.  Toe word die duimpie gemerk, en ek kry my ballot papers.

07:10 Klaar gestem, en van oorkant by die ingang waai my mede ry-staners vir my.  Ek is verbaas oor hoe vinnig die ry aangegroei het.

07:15 Ek stap terug in die mis en luister na die whoop-whoop klank van my tekkies.  Hulle klink bly oor ons so vroeg klaar is, en ‘n hele dag oop het. Ek hoop ek het reg gestem.  ‘n Tweede koppie koffie sal nou goed afgaan.

08:30 Ek sien vir die eerste keer dat dit drom dag is hier by ons.  Die manne met die trollies kom aangestap.  En ek wonder skielik of hulle ooit sal weet hoe lekker dit is om jou kruisie te maak…

2 Comments

  1. my foontji ini selfoon hospitaal.gou manlief sin gegeaps. Ma eks ni spyt dit was propvol pret.lol

Leave a Comment

Your email address will not be published.