‘n Crappy Storie

Gister kry ek ‘n interessante e-pos van my suster af.  Dit het die titel The Man Rules, en buiten vir die feit dat elke reël as nommer 1 gelys word, bevat dit ook daai tipiese goed wat mans maak wat hulle is.  En ondere andere klaar dit sommer die probleem met die toiletsitplek op…  natuurlik uit ‘n man se oogpunt.

Wel, eers bietjie agtergrond.  Die toiletsitplek is nie soos op sekere websites beweer word deur Thomas Crapper uitgevind nie.  Unfortunate van, ek weet.  Die sitplek is ontwerp deur Tom Bradney, in 1927.  Hy het ook die “bucket toilet” ontwerp, en seker gou agtergekom dit gaan ‘n probleem wees.  Die vraag wat onmiddellik by my opkom is “wat het hulle voor dit gedoen?”.

Daar is ook ‘n toilet museum, en op hulle website kan jy absoluut alles kry oor toilette. Daar is ‘n geskenkwinkel (vir as iemand nou rerig crappy voel) en selfs klanke wat jy kan aflaai as ‘n ringtone (vir as jy almal NOG verder wil wegdryf).

Nou, die toiletsitplek probleem is eenvoudig. Vrouens MOET die sitplek af hê, en mans MOET die sitplek op hê.

Uit ondervinding weet ek dat vrouens genuine die seat MOET afhê, glo my, net gimnaste kan dit anders regkry.  As die seat nie af is nie, is daar byna geen verskil tussen die toilet, en Kimberley se gat nie.  Ewe diep, ewe wyd.  Maar uit navrae weet ek ook dat die enigste rede hoekom mans die sitplek lig is om ‘n groter “teiken oppervlakte” te hê.  Die oplossing kan dalk so eenvoudig wees as om te leer mik?

Nou kyk, ek kan nie regtig sê dat ek al ooit ‘n probleem in my plek gehad het met ‘n “op” sitplek nie.  Die feit dat ek alleen bly kan dalk ‘n rede wees, maar ek het darem ook mans vriende wat kom kuier, en by geleentheid gebruik hulle my toilet.  En nog nooit het ek ingestap in my badkamer, ‘n bietjie gevloek, en dan die toiletsitplek afgeslaan nie!  My sitplek is ook by tye ‘n bietjie onstabiel, en ek vermoed party vriende skrik so groot vir hom, dat hulle òf dit versigtig weer afslaan òf baie versigtig mik òf (behoede my) in die bad piepie.

Eintlik verstaan ek nie mooi die hele opslaan/afslaan storie nie.  Dit is so vinnig om ‘n sitplek op of af te slaan, dis rerig nie asof dit baie lank vat nie, in fact, dit vat so min tyd, dit kan nie eers as ‘n aksie beskryf word nie.  En dit gaan vir beide geslagte.

MAAR… navorsing het wel bevind dat dit baie gesonder is om die HELE deksel plat te slaan.  Met ander woorde, die ring, en die deksel.  En jy kan self dink hoekom… kieme!!

So in belang van ‘n skoon tandeborsel en ‘n rustiger slaap slaan ek nou maar die hele ding plat.  As dit jou egter steeds grief is dit dalk tyd om te belê in een van hierdie outjies.  Dan kan almal die toilet uitstappie geniet, daar sal vrede wees in huise en die wêreld sal ‘n beter plek wees!

PS: as jou toilet ‘n “enclosure” om het, het jy nie regtig iets om oor te kla nie!

http://www.toiletmuseum.com/

 

1 Comment

Leave a Comment

Your email address will not be published.