Die Take-Away Projek

Ek eet nie vreeslik baie take-aways nie, ek verkies om self my kos te maak.  Maar oor die afgelope 2 jaar het ek so ‘n paar plekkies getoets op aande wat ek te besig was om self kos te maak.  Hierdie is my verdict van 8 plekke.

Green Valley     –              R33.95
Om een of ander obskure rede het hulle nie broodrolletjies nie, en ek kry die Burger Special op Toast!  Die deal sluit ‘n “hamburger”, chips en ‘n glas sap of koppie koffie in.  Ek settle vir die koffie, aangesien ek dan nou toast moet eet.

Die pattie is nie lekker nie.  Ek weet nie of dit effens oud is, of net ‘n baie lae kwaliteit vleis nie, maar dit proe af.  Die sous is heerlik en maak dit eetbaar.  Die toast is, wel… toast.  Die chips is soos ek daarvan hou.  Effens crispy buite, lekker sag binne.  Die koffie is gangbaar, maar die uie is so sterk, dit laat die koffie na liquorice proe.

Burger Fair          –              R19.95
Vir daai prys, awesome!  Ek gaan vir Cheeseburger en chips.  Die milkshake was ekstra, maar steeds baie goed geprys.  Jy eet in jou kar, uit ‘n mandjie, maar het die opsie om die kos huistoe te vat en daar te eet.

Die chips is fantasties!  Regtig lekker.  Die burger is ‘n ordentlike size, niks Mcdonalds patties nie.  Die rolletjie is groot genoeg om al die toppings binne te hou.  En dis regtig regtig lekker.  My enigste “complaint” sal wees dat hulle die onderste deel van die rolletjie rooster, wat maak dat hy kraak in jou mond, en ‘n burger moet nie kraak nie.

Debonairs           –              R39.90
My gunsteling pizza bly die Chicken Triple Decker.  En deesdae hoef jy nie met ‘n massiewe boks huistoe te gaan nie, want hy is ook nou beskikbaar in ‘n Real Deal grote.  Mens kan dit opeet in een probeerslag, alhoewel ek hou van ‘n skyfie of twee los vir die volgende oggend as ontbyt.

Die basis van hierdie pizza is cream cheese, en as jy jou bonus gekry het, vra vir ekstra cream cheese! Ek het al gevind die kwaliteit van die pizza wissel van winkel tot winkel,  maar meeste van die tyd is dit baie lekker.  Mushroom, uie, hoender en sweet chillie sous werk goed saam met die kaas.

Steers                   –              R39.95
Hierdie is vir die Prince Burger en chips.  Ek kon nognie agterkom wat die regte verskil is tussen die verskillende burgers nie, maar die Rave burger is  een van daai in-die-kar-eet burgers, en nie so groot nie.  Steers het ook oor die jare taamlik duur geraak.  Ek het nog strokies van 10 jaar terug, waar ‘n Rave burger R5 gekos het.

Die Prince Burger is nice.  Bietjie morsig, want hulle sit ‘n bietjie baie mosterd op, maar oor die algemeen heel skaflik.  Die pattie is ‘n decent grootte, maar ek vind die slaaie is nie altyd so lekker vars nie, hang seker maar af waar jy koop.  Steers se chips is die beste wat ek nog ooit gehad het.

Sushi Suki Japanese Cuisine CC                     –           R44.95
Dis altyd snaaks hoe ‘n restaurant Chinese kos verkoop, en dan ‘n Japanese sushi eat-as-much-as-you-can special het.  Hierdie is een van daai plekke.  Ek verkies om chinese daar te koop, aangesien dit regtig chinese is wat daar werk, en hulle sushi ok is, maar nie naby die regte deal kom nie, selfs al is dit goedkoop.

Hierdie is die sweet en sour chicken.  Ek voel altyd die hoeveelheid wat ek kry is nogals min vir die prys, maar voel altyd vreeslik vol na ek dit geëet het.  Die sous is awesome, en die hoender en deeg is mooi gaargemaak.  Doen jouself ‘n guns, en vat die egg fried rice of noodles.  Dis ekstra, maar die moeite werd.  Anders kry jy ‘n baie average porsie gewone wit rys.

Nando’s               –              R29.95
My gunsteling take-away.  Die ¼ chicken, chips en roll.  En ek vat hom Extra Hot, en drink ‘n glasie melk saam met die by die huis.  Partykeer hou ek ook daarvan om ‘n creamy dip by te vat, dit breek effens die hitte.  Maar ek hou steeds van die geurige warmte.

Die chips is standaard, maar die Portuguese roll wat jy saamkry is volgens my die beste wat jy kan kry.  Geen kafee kan so iets bak nie.  Ek verkies ook om die Breast-Wing kombinasie te vat, in plaas van die Thigh-Leg.  Hou die melk reg!

McDonalds         –              R10.00
Die cheeseburger van McDonalds (en for that matter enigiets van McDonalds) is sub-standaard kos.  Die enigste ding van McDonalds is dat hulle kos alles duidelik gemaak is met die idee dat jy dit in jou kar kan eet.  En dit is natuurlik gerieflik, maar maak dit steeds nie goed nie.

Die pattie is so dun soos koue vleis skywe in ‘n supermark, die gurkins is nie eers effens suur nie, en die tamatiesous is baie soet.  Die droë, sintetiese rolletjie met die processed cheese en ander ewe droë bestanddele kan ek net afkry met ‘n koffie.  En volgens my is dit hulle enigste ordentlike produk (R9.95).

Spur       –              R55.95
Ek hou daarvan om by ‘n restaurant die disse te eet wat hom sy reputasie gegee het.  Dus eet ek burgers by Spur.  En ek hou van die Goodie Burger.  Die prys is egter ‘n bietjie hoog vir wat jy kry, maar aangesien mens meestal gaan sit in die Spur (teenoor take-aways) kom jy dit nie so agter nie, want nou is daar gewoonlik ‘n bottel wyn wat by bestel word, en partykeer ook nagereg.

Die Goodie Burger is lekker, alhoewel die pynappel uit ‘n blikkie kom, en die mushroom sous uit ‘n pakkie.  Maar dis Spur.  Die chips (veral met daai wit sous) en uie ringe is goed.  Deesdae is die entertainment value van ‘n Spur ook baie beter as in die verlede met die Hill Billy Rock dans.

As jy enige voorstelle het van plekke wat regtig lekker is, en goeie waarde vir geld, laat weet gerus, en ek sal dit uittoets en die lys langer maak.

Leave a Comment

Your email address will not be published.