‘n Een Minuut 2013 Oorsig

aNuwe Kar # Dragonboat Racing # Braaidag # Port Owen # Clos Malverne # Honde Familie # Roadtrip Troue # Awesome Drome # Kaas & Wyn # Verjaarsdagkuiers # Lekker Troue # 40 Party # Kinders Oppas # Baie Kinders Oppas # Beste Boetas

bRegte Foie Gras # Vriende Braai # Durban Zulu # Perdry # Jersey Boys # Vonkelwyn Seiljag # Carols By Candlelight # Come Dine With Me # Wild Safari # Braai # Photoshoot # Spesiale Vriendskappe # Riebeek Kasteel # Melkbos Bday # Baie Sushi

cNuwe Werk Celebrations # Tap Dogs # Protea Krieket # Werk Sneeu # Jian Swem # Robbeneiland Besoek # Diepsee Visvang # Verjaarsdag Ete # Kinders # Jané Kerskonsert # Vintage Picnic # Port Owen # Troue # Cullinary Finals # High Tea # Ballet # Rugby Kyk

 

Daai ander kant…

clairvoyantEk voel dit.  Hier is iemand.  Iemand probeer kontak maak.  Iemand wie se naam begin met ‘n letter M.  Nie?  Wel, ons kan lank aangaan.  Daar is nog 25 letters oor, en iewers gaan een sin maak.  Of jy gaan dink hy maak sin…

Nou ek het nie DStv nie, so kan nou nie lekker saampraat nie, maar Marietta Theunissen is blykbaar die een wat die letters kan laat sin maak.  Blykbaar is die program se naam ‘Die Ander Kant’.  En blykbaar is die ‘ander kant’ partykeer sommer oor die treinspoor… Ja, daai tannies raak rof as sy nie vinnig genoeg met die broer se meisie se sussie se verloofde se oom (wat met ‘n letter M begin) kan kontak maak nie.

Aangesien ek nie ‘n ‘fan’ is nie, het ek nou nie juis ‘n opinie oor haar ‘vermoëns’ nie, maar nou die aand toe sit ons en gesels in ‘n restaurant, en (ek is nie seker hoe nie) twee verskillende gesprekke clash skielik en word een.  Die een gesprek het om een of ander rede vir Marietta ingesluit, en die ander ene het gehandel oor Masterchef, of eintlik die nuwe program wat glo binnekort begin (maar met dieselfde beginsel), Kokkedoor.

En dit sit my aan die dink (en aan die lag).  Julle almal het al iewers ‘n ou stukkie Masterchef gekyk, dit is briljant!  Nou stel jou gou voor hoe dit sal wees as antie Marietta ‘n beoordelaar of ‘n aanbieder van ‘n Afrikaanse Masterchef moes wees.

“Ja Jannie, en wat maak jy vir ons…. Of wag, ek voel dit…. Jy maak iets met ‘n C…. ja, dis defnitief Custard”

“Saartjie, ek sien jy het net twee eiertjies hierso, ek voel ‘n derde enetjie roep.  Dis reg ja, daar is nog enetjie in die yskas, hy wil hê jy moet weet… hy moet ook deel wees”

“Ou Gert, ek het bietjie kontak verloor met jou meringue.  Ja, nee hy is nou helemal weg, ek voel hom gladnie.”

As ek darem Jannie was, het ek so vinnig moontlik my resep verander, en ENIGIETS anders gemaak, netnie Custard nie!

Realiteits TV kan ‘n hele nuwe dimensie aanneem!  Stel jou voor,
Idols… Met Marietta,
Big Brother… Met Marietta,
Survivor… Met Marietta,
En gooi hom sommer lekker om en maak haar ‘n deelnemer! Sal sy elke reeks wen, of die eerste wees om te gaan?

So ‘n paar jaar terug kuier ons in Piketberg, en ons ry toe op met die berg om na al die vrugte plantasies daar bo te kyk.  Ek maak die opmerking dat dit interessant is dat jy op ry met die berg, maar gladnie aan die ander kant kan af nie.  Ewe droog kondig my jongste sussie aan dat ek maar vir Marietta Theunissen moet vra… sy sal weet hoe om aan die ander kant te kom!

En soos ek sê, jy kan haar glo of vir haar lag…. Maar hoeveel keer het sy al die Lotto gewen?

Comfort Food

Soos ‘n uitgesoekte groepie vriende sal weet, hou ek baie van kosmaak en onthaal.  Die disse wat ek al voorgesit het wissel van fantasmagories, tot absoluut oneetbaar (alhoewel niemand dit ooit erken nie).  Die dis wat ek egter hier met julle wil deel is my grootste treffer tot op hede.  Dis oorspronklik een van Jamie se resepte, maar ek het hom aangepas vir Suid-Afrika, want hier is hasies troeteldiere!

Hoender Stew met dumplings

Vir die dumplings:

400g self-raising meel
200g botter
2 eetlepels droë pietersielie
Sout en Peper
Melk
Nutmeg

Meng die eerste 4 bestanddele saam, en voeg dan genoeg melk by om ‘n deeg te vorm wat nie klewerig is nie.  Knie dit ‘n bietjie, en rol dan in ‘n wors vorm.  Sny in 18 gelyke dele, rol elke stukkie in ‘n balletjie, en strooi ‘n bietjie nutmeg oor.  Hou eenkant.

Vir die stew:

10 stukke hoender (ek hou nie van bene nie, so 8 hoenderborsie fillets het goed gewerk)
Meel
Olyfolie
‘n Klont botter
Sout en Peper
10 Rashers Bacon (fyn opgekap)
2 Takkies Roosmaryn
1 Pakkie Mushrooms (skoongemaak en opgekap)
1 Groot handvol baba uitjies (afgeskil)
2 Blikkies bier
850ml Chicken stock

Verhit die oond tot 190°C.Rol die hoender in die meel, en skud oortollige meel af.In ‘n lekker groot gietyster pot, verhit die olie en botter, en braai hoender tot bruin.  Voeg bacon by saam met sout en peper.  Braai tot bacon begin crispy raak.  Roer die hoenderstukke gedurig.Voeg roosmaryn, mushrooms en uie by, en braai vir nog omtrent 10 minute to groente begin sag raak.Meng ‘n teelepel meel, die bier en chicken stock in, sit die deksel op, en laat prut vir ‘n halfuur.Plaas nou die dumplings bo-op, met ‘n spasie tussen elkeen.  Drup ‘n bietjie olyfolie bo-oor.Plaas pot in verhitte oond vir 45 min.

Die dumplings sal crispy aan die bokant wees, en van die sous aan die onderkant begin intrek het.

Dis ‘n perfekte comfort food, ideaal vir die winter!

Horror-scope?

Onlangs loop ek hierdie interessante stukkie raak.  Dit is ‘n samestelling van die woorde wat die meeste gebruik word in daardie “sterre voorspel” stukkies, en kom uit 4000 stukke oor al die sterretekens.

“Ready? Sure?
Whatever the situation or secret moment, enjoy everything a lot. Feel able to absolutely care. Expect nothing else. Keep making love. Family and friends matter. The world is life, fun and energy. Maybe hard. Or easy. Taking exactly enough is best. Help and talk to others. Change your mind and a better mood comes along . . . “

Nice ne?

Nog ‘n 7de Laan terugblik

Ek het onlangs gewonder wie in daai eerste episode van 7de laan gespeel het.

Mens word so oorlaai met alles wat op tv aangaan, dat jy vinnig vergeet wat ‘n jaar terug gebeur het.  Name soos Petra en Simphiwe, Tamara en Mari-Alet raak vergete as hulle vir ‘n tyd lank verdwyn uit ‘n sepie.

Ek het egter op twee baie interessante artikels afgekom, beide uit die Beeld koerant in 2000, toe 7de Laan begin het, en ‘n skrale 6 maande uitmekaar geskryf.  Laat mens wonder…

7de Laan’ ‘n bontspul en bra voorspelbaar – 7 Apr 2000

7de Laan SABC2, Dinsdae en Woensdae om 18:30

Die eerste episode van ‘n nuwe reeks behoort soveel impak te hê dat ‘n mens nie kan wag vir die volgende aflewering nie. 7de Laan, SABC2 se nuwe Afrikaanse sepie wat vandeesweek begin het, het on gelukkig nie met die nodige oemf afgeskop nie. Kontinu¨teitsaankondiger Chante Hinds het vooraf gesê dit is SABC2 se eerste sepie. Het hulle gerieflikheidshalwe vergeet van Glaskaseel, wat destyds ‘n mislukking was? Die nuwe 7de Laan spog met ‘n sterk rolverdeling Anna-Mart van der Merwe, Gys de Villiers, Wilna Snyman, Pierre van Pletzen, Dawid Minnaar, Annalise Weiland en Chris van Niekerk sowel as ‘n hele paar belowende nuwelinge kan onder andere daarin gesien word maar die dialoog is soms yl en die storielyn baie voorspelbaar. Snyman vertolk die rol van die matriarg Madel Terreblanché, wat die hef in die hand het en alles en almal om haar regeer. Sy is glad nie in haar noppies oor die verlowing van haar seun Jan-Hendrik (Waldemar Schultz) aan die argitek Petra (Yvonne van den Bergh) nie. Dit is ‘n ou, geykte resep onthou nog die sepie Falcon Crest? Dit is dalk onregverdig om 7de Laan met die gevestigde treffersepie Egoli te vergelyk, maar aangesien die nuwe reeks in die tydgleuf net ná Egoli uitgesaai word, kan ‘n mens byna nie anders nie as om die twee teen mekaar op te weeg. Die stelinkleding (die meeste mure is grys!) sowel as die kleredrag van die karakters van 7de Laan steek sleg af teen dié van Egoli. Só ‘n bontspul het jy lank laas bymekaar gesien in die eerste episode het Vinette Ebrahim (Charmaine van die koffiekroeg) ‘n bont bloes gedra, terwyl Van Niekerk (Francois) en Van Pletzen (Oubaas van Zyl) geruite hemde en Weiland (die ontvangsdame Hilda) ‘n bont onderbaadjie (met ‘n verspotte serpie) gedra het. Die bont uitrustings streel nie die oog nie en slaag ook nie op die skerm nie. Van den Bergh (Petra) het boonop in die oggend ‘n blink halsnoer gedra en jy wil kort-kort haar hare uit haar oë vee. Die musiek is soms, soos toe Sandra Stutterheim (Heléne Lombard) haar opwagting as die nuwe koper van die boetiek gemaak het, te dramaties en oordrewe. Om nie te praat nie van al daardie agtergrondgeluide (sirenes en motoralarms) in bykans elke toneel wat jou daaraan moet herinner dat die storie in ‘n stad afspeel. Egoli het baie hoë standaarde vir sepies in Suid-Afrika gestel nie net wat sterk storielyne, stelinkleding, kostuums en dialoog betref nie, maar ook goeie vertolkings. Hoewel sommige van die jong akteurs (soos Nina Swart in die rol van Wilmien) imponeer met hul spel, oortuig ander nuwelinge soos Van den Bergh in die rol van Petra nog nie. ‘n Mens moet 7de Laan seker ‘n regverdige kans gee, maar of die sterk rolverdeling die sepie gaan red, sal net die tyd leer.

7de Laan klink glase – 20 Oct 2000

Waldemar Schultz (Jan-Hendrik Terblanche) en Yvonne van den Bergh (Petra Malherbe) raak binnekort verloof in 7de Laan.

Daar is vandeesweek dubbeld feesgevier op die stel van SABC2 se Afrikaanse sepie 7de Laan. Tydens ‘n onthaal is bekend gemaak dat ‘n tweede kontrak vir die vervaardiging van nog 156 episodes van die reeks onlangs met die SABC gesluit is. 7de Laan word tans twee maal per week uitgesaai, op Dinsdae en Woensdae om 18:30. As gevolg van die gewildheid van dié sepie sal dit vanaf 1 April 2001 drie of vier maal per week uitgesaai word. Nóg ‘n verskoning vir ‘n makietie is die trouklokkies wat binnekort vir twee van die karakters in die reeks lui. In die episode van 7de Laan wat op 1 November uitgesaai word, maak Jan-Hendrik Terreblanche (Waldemar Schultz) en Petra Malherbe (Yvonne van den Bergh) hul trouplanne bekend aan vriende en familie tydens ‘n spoggerige verlowingspartytjie. Dié twee verliefdes se romanse was tot dusver nie net maneskyn en rose nie Jan-Hendrik se bemoeisieke ma, die formidabele Madel Terreblanche (Wilna Snyman) loop nie oor van blydskap oor haar seun se keuse van ‘n lewensmaat nie. Madel se oogappel, Tiaan (Francois Rautenbach), maak ook nie sake makliker vir sy broer nie met die manier waarop hy ogies maak vir Jan-Hendrik se toekomstige bruid. 7de Laan handel oor die wel en weë van ‘n groep mense wat in ‘n voorstad van Johannesburg woon. Die storielyn draai om twee groepe mense die Terreblanches, ‘n welgestelde familie wat gedomineer word deur die ambisieuse matriarg, Madel Terreblanche, en die inwoners van die woonstelle in dieselfde blok as die koffiekroeg, Oppiekoffie die gewilde bymekaarkomplek van omtrent almal in 7de Laan. Die rolverdeling van 7de Laan bestaan uit van Suid-Afrika se gewildste akteurs Anna-Mart van der Merwe, Wilna Snyman, Dawid Minnaar, Fezile Mpela en Annelisa Weiland, om maar net ‘n paar te noem. Daar is ook ‘n hele paar nuwe gesigte soos dié van Nina Swart en Ingrid Paulus, wat alreeds diep in kykers se harte gekruip het. 7de Laan is SABC2 se eerste sepie en word geskryf deur Danie Odendaal. 7de Laan blyk baie gewilde gesinsvermaak te wees nie net vir Afrikaanse mense nie. Onlangse navorsing het getoon dat die reeks ook baie gewild is onder Engelstalige kykers en Sotho-sprekers.

Kyk, kyk!! Ek het ‘n blog!

Dit was toe gladnie so moeilik gewees nie.  Met my ISP wat sommer baie vinnig reageer het toe ek hulle vra, en ‘n neef met ‘n rekenaar vir ‘n brein, en daar het ek ook ‘n webtuiste.  Dit is wonderlik! Ek kan die naam verander, ‘n prentjie of twee inbring, en as ek ‘tweet’ vanaf my foon, word dit sommer dadelik gewys op die blad!  Ai, die tegnologie.

Wat ek egter nie op gereken het nie, is hoe verslawend dit vir hierdie Generation Y kind, wat mal is oor goed met knoppies, liggies en manuals gaan word.  Na wat soos ‘n paar minute gevoel het, het my horlosie gewys dit is nou 16:00, my hande was stokstywe stompies, die televisie het in Xhosa geblêr en my maag het my herinner dat ek nognie vandag geëet het nie!

Ek wou baie graag vandag al iets “leesbaar” soos ‘n kortverhaal of artikel hier pos, maar aangesien die dag iewers heen verdwyn het, sal ek dit moet uitstel, en nou iets produktiefs gaan doen.  Dalk wasgoed…